चीनपछि बेलायत जाँदै प्रधानसेनापति सिग्देल, मन्त्रिपरिषद्ले दियो भ्रमण स्वीकृति

काठमाडौं ।

चीनको औपचारिक भ्रमणमा रहेका प्रधानसेनापति महारथी अशोक राज सिग्देल स्वदेश फर्किएलगत्तै बेलायतको औपचारिक भ्रमणमा जाने भएका छन्। प्रधानसेनापति सिग्देलको बेलायत भ्रमणसम्बन्धी प्रस्तावलाई २०८३ भदौ ३१ गते बसेको मन्त्रिपरिषद् बैठकले स्वीकृति दिएको मन्त्रिपरिषद् स्रोतले जनाएको छ। करिब एक वर्ष कार्यकाल बाँकी रहेका प्रधानसेनापति सिग्देलको चालु वर्षको यो दोस्रो औपचारिक विदेश भ्रमण हुनेछ।