अर्थमन्त्री वाग्लेको दिल्ली दौडाहा: द्विपक्षीय भेटघाट र आर्थिक कूटनीतिमा केन्द्रित

काठमाडौं । तीनदिने भारत भ्रमणमा रहेका अर्थमन्त्री डा. स्वर्णिम वाग्लेले भ्रमणको दोस्रो दिन कूटनीतिक तथा द्विपक्षीय संवादलाई तीव्रता दिएका छन्। बिहीबार नयाँ दिल्ली पुगेलगत्तै भारतीय समकक्षी निर्मला सीतारमणसँग भेटवार्ता गरेका वाग्लेले दोस्रो दिन उच्चस्तरीय छलफल र आर्थिक सहकार्यका विषयमा संवाद अघि बढाएका हुन्।

भ्रमणको दोस्रो दिन शुक्रबार बिहान इन्डिया इन्टरनेसनल सेन्टरमा पूर्वविदेशसचिव श्याम शरणद्वारा आयोजित उच्चस्तरीय कूटनीतिक संवाद कार्यक्रममा अर्थमन्त्री वाग्ले प्रमुख अतिथिका रूपमा सहभागी भई नेपाल–भारत सम्बन्ध, आर्थिक परिदृश्य र द्विपक्षीय हितका विषयमा आफ्नो धारणा प्रस्तुत गरेको जनाइएको छ ।