राप्ती किनारामा गोहीले दुई हात र खुट्टा खाएको अवस्थामा वृद्धको शव भेटियो

​चितवन । चितवनमा एक व्यक्तिको गोहीले खाएर मृत्यु भएको छ । चितवनको भरतपुर महानगरपालिका वडा नम्बर २३, बेलहट्टा घर भएका ६० वर्षीय कुल बहादुर चोखालको गोहीले खाएर मृत्यु भएको प्रहरीले जनाएको हो ।

जिल्ला प्रहरी कार्यालय चितवनका प्रमुख एसपी रामेश्वर पौडेलका अनुसार हरियाली सामुदायिक वनमा घाँस काट्न गएका चोखाल राप्ती नदीको किनारमा मृत फेला परेका हुन् ।