कर्णालीमा नयाँ बजेट निर्माण : ‘प्रोजेक्ट बैंक’मा १७ हजार योजना

सुर्खेत । कर्णालीमा आगामी आर्थिक वर्ष (२०८३/०८४) को लागि बजेट निर्माणको काम धमाधम चलिरहेको छ । आगामी बजेटलाई व्यवस्थित र परिणाममुखी बनाउन आर्थिक मामिला तथा योजना मन्त्रालयले विभिन्न निकायसँग छलफल चलाइरहेको छ भने प्रदेश योजना आयोगले पनि आयोजनालाई व्यवस्थित बनाउन विभिन्न कार्यक्रम सञ्चालन गरिरहेको छ ।

अर्थ मन्त्रालयले चालु आर्थिक वर्षको तुलनामा १ प्रतिशतले बजेटको आकार वृद्धि गरेर वैशाख अन्तिम साता नै सिलिङ वितरण गरिसकेको छ । आगामी बजेट ३३—३४ अर्ब हाराहारीमा आउनेगरी बजेट सिलिङ वितरण गरिएको आर्थिक मामिला तथा योजना मन्त्रालयले जनाएको छ ।