गणेशमान सिंहलाई सम्झिँदै सभापति थापाले भने– त्याग र लोकतान्त्रिक आदर्शलाई व्यवहारमा उतारौँ

काठमाडौं । नेपाली कांग्रेसका भ्रातृ तथा शुभेच्छुक संस्थाहरूले लौहपुरुष गणेशमान सिंहको २९औँ स्मृति दिवस विभिन्न कार्यक्रम आयोजना गरी मनाउँदै छन्। २०४६ सालको जनआन्दोलनका सर्वोच्च कमाण्डरसमेत रहेका सिंहको योगदानको स्मरण गर्दै कांग्रेसले हरेक वर्ष उनको स्मृति दिवस मनाउँदै आएको छ।

सिंहले नेपाली राजनीतिमा त्याग, साहस र निष्ठाको उदाहरण प्रस्तुत गरेका थिए। २०४६ सालको जनआन्दोलन सफल भएपछि तत्कालीन राजा वीरेन्द्रले प्रधानमन्त्री बन्न गरेको प्रस्ताव उनले अस्वीकार गर्दै आफ्ना समकक्षी कृष्णप्रसाद भट्टराईलाई प्रधानमन्त्रीका रूपमा प्रस्ताव गरेका थिए।