'प्रधानमन्त्री शाहले संसद्‍मा नियमित हाजिर गर्नुभएको छ?'

श्रम संस्कृति पार्टीका सांसद हर्क साम्पाङ राईले प्रधानमन्त्री बालेन्द्र शाहले संसद्‌मा दिएको अभिव्यक्ति सच्याउन माग गर्दै संसद्‌मा उनको नियमित उपस्थितिबारे प्रश्न उठाएका छन्।

मंगलबार बसेको प्रतिनिधिसभा बैठकमा बोल्दै सांसद साम्पाङले सीमा तथा राष्ट्रिय सार्वभौमसत्तासम्बन्धी विषयमा प्रधानमन्त्रीले जेठ १७ गते व्यक्त गरेको भनिएको अभिव्यक्ति अविलम्ब सच्याउनुपर्ने माग गरे। उनले देशको सिमाना र सार्वभौमसत्ता जोगाउने विषयमा सबै सांसदहरूको साझा धारणा र प्रतिबद्धता आवश्यक रहेको बताए।