बीमा प्राधिकरणको अध्यक्षमा ५० जनाको आवेदन, प्राधिकरणबाट २ जना

काठमाडौं । नेपाल बीमा प्राधिकरणको अध्यक्षका लागि ५० जनाले आवेदन दिएका छन् । आवेदन दिने अन्तिम दिन आज जेठ १९ गते मंगलबार साँझ ५ बजेसम्म ५० जनाले आवेदन दिएका हुन् ।

जहाँ नेपाल बीमा प्राधिकरणका २ जना कर्मचारीले पनि आवेदन दिएका छन् । प्राधिकरणका निर्देशक कमल प्रसाद रेग्मी र उपनिर्देशक विरोध भट्टले पनि आवेदन दिएका हुन् । अर्थ मन्त्रालयले प्राधिकरणको अध्यक्ष पदका लागि जेठ १३ गते ७ दिनकाे म्याद राखेर आवेदन खुलाएको थियो ।