पीडा नजिक, राज्य टाढा

पछिल्ला केही दिनमा सार्वजनिक भएका आत्मदाह तथा आत्महत्या प्रयासले समाजलाई स्तब्ध बनाएका छन्। दुई दिनमै तीन वटा यस्ता घटना सार्वजनिक हुनु केवल व्यक्तिगत आवेग वा संयोगका रूपमा पन्छाउन मिल्ने विषय होइन।

प्रत्येक घटनाको कारण र पृष्ठभूमि फरक हुन सक्छ। तर, यस्ता घटनाले आर्थिक असुरक्षा, सामाजिक दबाब, मानसिक स्वास्थ्य सेवाको अभाव र राज्यप्रतिको घट्दो भरोसाबारे गम्भीर प्रश्न उठाउँछन्। त्यसैले घटनालाई व्यक्तिको कमजोरीका रूपमा मात्र व्याख्या गर्नु न पर्याप्त हुन्छ, न न्यायोचित।