एकसाथ तीन नेपाली फिल्मले थाले प्रदर्शन

फ्राइडे रिलिजको अवसर पारेर एकसाथ तीन नयाँ नेपाली फिल्म प्रदर्शनमा आएका छन्। 'झिंगे दाउ २', 'कार्की साइँला' र 'माया बस्छ की के हो!' एकै मितिमा शुक्रबार रिलिज भएका हुन।

ज्ञानेन्द्र देउजाको निर्देशनमा बनेको 'झिंगे दाउ २' पारिवारिक सम्बन्ध र भावनात्मक उतारचढावमा केन्द्रित छ। दाजुभाइ तथा देउरानी-जेठानीबीचको मनमुटाव, आमाको ममता, सन्तानको प्रेम र आमा खोज्ने कथालाई फिल्मले प्रस्तुत गर्छ।