फिफा विश्वकप : लामिन यमालले पाएनन् १० नम्बर जर्सी, १९ नम्बरकै लगाउने

१९ जेठ, काठमाडौं । फिफा विश्वकप २०२६ का लागि स्पेनिस खेलाडीहरूको जर्सी नम्बर सार्वजनिक भएको छ । धेरै समर्थकको अपेक्षाविपरीत युवा स्टार लामिन यमालले १० नम्बर जर्सी पाएका छैनन् ।

बार्सिलोनाबाट यस सिजनदेखि १० नम्बर जर्सी लगाउन थालेका यमालले स्पेनको राष्ट्रिय टोलीमा भने आफ्नो परिचित १९ नम्बर जर्सी नै लगाउनेछन् । उनले दुई वर्षअघि स्पेनलाई युरोपियन च्याम्पियन बनाउन योगदान दिँदा पनि यही नम्बरको जर्सी लगाएका थिए ।