एमालेमा ओली हटाउने दबाब, कार्यदलमै अल्झियो ‘निर्णायक कदम’

काठमाडौँ- जेनजी आन्दोलन र आमनिर्वाचनको परिणामपछि नेकपा एमाले अध्यक्ष केपी शर्मा ओलीमाथि राजीनामा दिन दबाब बढ्दै गए पनि नेतृत्व परिवर्तनका लागि बनाइएको कार्यदल नै निर्णयविहीन बनेको छ।

ओलीको राजीनामालाई लिएर एमालेमा विभिन्न बैठक, कार्यदल र प्रतिवेदनमार्फत दबाब बढाउने प्रयास भइरहेका छन्। पुनर्गठनका लागि उपाध्यक्ष रामबहादुर थापा ‘बादल’को नेतृत्वमा कार्यदलसमेत गठन गरिएको थियो। दुई दिन काभ्रेको बलथलीस्थित एक होटलमा बसेको कार्यदल बैठकले समेत ओलीको राजीनामाबारे स्पष्ट निर्णय लिन सकेन।