चिकित्सकमाथि कुटपिट, दोषीमाथि कारबाहीको माग

जनकपुरधाम। जनकपुरधामस्थित मधेस स्वास्थ्य विज्ञान प्रतिष्ठानमा कार्यरत चिकित्सक डा. सरोज साहमाथि कार्यस्थलमै बिरामीका आफन्तले कुटपिट गरेको घटनामा संलग्न दोषीलाई कारबाही गर्न नेपाल चिकित्सक संघले माग गरेको छ।

संघका अध्यक्ष डा. रामज्ञान यादव र महासचिव डा. विजयकुमार साहद्वारा जारी विज्ञप्तिमा समग्र स्वास्थ्य क्षेत्रलाई आतंकित पार्ने गरी घटाइएको यस्तो घटनामा संलग्न दोषीलाई अविलम्ब कानुनी दायरामा ल्याई ‘स्वास्थ्यकर्मी तथा स्वास्थ्य संस्थाको सुरक्षा सम्बन्धी ऐन, २०६६’ अनुसार कारबाही गर्न माग गरिएको छ।