बेपत्ताको पहिचानका लागि आफन्तको डिएनए परीक्षण सुरु

रसुवाको भोटेकोशीमा आएको बाढीमा बेपत्ता भएका जुम्लाका नागरिकको अवस्था अहिलेसम्म पनि पत्ता नलागेपछि उनीहरूको पहिचानका लागि आफन्तको डिएनए परीक्षण गरिने भएको छ।

त्यसका लागि जुम्लामा आफन्तको रगतको नमुना संकलन सुरु गरिएको छ। जनस्वास्थ्य सेवा कार्यालय जुम्लाका अनुसार सोमबार पातारासी गाउँपालिकाका विभिन्न गाउँमा ३२ जनाको रगतको नमुना संकलन गरिएको छ।