बझाङमा जिप दुर्घटना, तीन जनाको मृत्यु

चैनपुर । जिप दुर्घटना हुँदा बझाङमा तीन जनाको मृत्यु भएको छ । तलकोट गाउँपालिकाबाट सदरमुकाम चैनपुर आउने क्रममा केहीबेर अघि धमेना नजिकै जिप दुर्घटना हुँदा तीनै जनाको घटनास्थलमै ज्यान गएको प्रमुख जिल्ला अधिकारी ओमप्रसाद भट्टराईले जानकारी दिए ।

दुर्घटनामा घाइते एक बालिकाको उपचार भइरहेको प्रमुख जिल्ला अधिकारी भट्टराईले बताए । दुर्घटनाबारे थप विवरण संकलन गर्ने प्रहरी निरीक्षक लोकेन्द्र ठगुन्ना नेतृत्वको टोली घट्नास्थल पुगेको प्रजिअ भट्टराईले जनाएका छन् ।