फलामको कराइभित्र साढे ५४ लाख रुपैयाँ लुकाएर मलेसिया उड्दै थिए नेपाल एयरलाइन्सका सवारी चालक

काठमाडौं : ५४ लाख ७१ हजार रुपैयाँ बराबरको स्वदेशी तथा विदेशी मुद्रासहित नेपाल एयरलाइन्सका सवारी चालक पक्राउ परेका छन्।

पक्राउ पर्नेमा सुनसरीको गढी गाउँपालिका-१ घर भई हाल काठमाडौंको बनस्थली बस्ने ५० वर्षीय कमल नारायण विश्वास रहेका छन्। उनी १६ वर्षदेखि नेपाल एयरलाइन्समार्फत त्रिभुवन अन्तर्राष्ट्रिय विमानस्थल भित्र ग्राउन्ड इक्युपमेन्ट अप्रेटर (जीईओ) का रूपमा कार्यरत थिए।