बारा–४ का मतदाताको गुनासो– जितेर गएकाहरु फर्केर आएनन्

फेटा गाउँपालिकाका ७ वटा वडामध्ये वडा नं १ सबैभन्दा ठुलो र धेरै जनसङ्ख्या भएको वडा हो । ६ वटा ठुला गाउँ यसै वडाभित्र पर्दछन् । गाउँमा ४ वटा आधारभूत तहका विद्यालय रहे पनि माध्यमिक तहको पढाइ नहुँदा यहाँका विद्यार्थीहरू केही बीचमै पढाई छाड्छन् भने केही अन्यत्र पढ्न जान्छन् ।

फेटा गाउँपालिका– १, त्रिवेणी टोलका विवेक कुशहवा गाउँमा माध्यमिक तहको विद्यालय नहुँदा धेरै समस्या भएको बताउँछन् । ५ वर्षअघि जितेर जानेले शिक्षा र स्वास्थ्यमा केही काम नगरेको उनको गुनासो छ ।