चिरा परेको हुलाकी राजमार्ग टालटुल पारेर हस्तान्तरण गरिँदै

धनगढी । कैलालीमा हुलाकी राजमार्ग स्तरवृद्धिका लागि २०७७ सालमा ठेक्का सम्झौता भयो । धनगढी र लम्कीमा चार लेन र बाँकी क्षेत्रमा २ लेनको राजमार्ग निर्माणको काम अझै जारी छ ।

धनगढी क्षेत्रको तीन किलोमिटर चार लेनको काम सकिएको छ । तर, चार लेनको सडक कालोपत्रे भएको एक वर्ष नहुँदै चिरा पर्ने र भत्किन थालेको छ । हुलाकी राजमार्ग निर्देशनालयलाई निर्माण कम्पनीले सडक हस्तान्तरण नगर्दै भत्किएको छ । धनगढीको क्याम्पस चोक, बुद्धचोक, मनहेरा, कालिका मन्दिर र जंगल क्षेत्रको सडक उप्किएको छ । सडकको ठाउँ–ठाउँमा चिरा परेका छन । कालोपत्रे गरिएको एक वर्ष नपुग्दै कैलालीमा हुलाकी राजमार्ग भत्किएको छ ।