बाढीले खोसेको हामीजस्तै बालबालिकाको खुसी फर्काऔँ!

भोटेकोशी हुँदै त्रिशूली नदीमा आएको विनाशकारी बाढीले नुवाकोट, रसुवा र धादिङका धेरै घर, बस्ती, विद्यालय, सडक र पुल बगाएको छ। बाढीका कारण धेरै विद्यालयमा पढाइ पनि रोकिएको छ।

विद्यालय र विद्यार्थीको सम्बन्ध पनि टुटेको छ। धेरै बालबालिकाले आफ्ना बुबा, आमा, दाजुभाइ, दिदीबहिनी र आफन्त गुमाएका छन्। पत्रपत्रिका अनलाइनमा आएको विवरणअनुसार ४६ जना विद्यार्थी अभिभावकविहीन भएका छन्।