एसियन गेम्सको ७५औं वर्षगाँठ : नयाँ दिल्ली १९५१ देखि नागोया २०२६ सम्म, नेपालको अझै स्वर्ण सपना

एसियाली देशहरूको सबैभन्दा ठूलो बृहत खेलकुद प्रतियोगिता एसियन गेम्स यस वर्ष ७५औं वर्षगाँठ मनाउँदैछ।

सन् १९५१ मा नयाँ दिल्लीमा सुरु भएको यो कुम्भमेला अहिले जापानको आइची-नागोया पुगेर फेरि एकपटक एसियालाई जोड्दैछ। सेप्टेम्बर १९ देखि अक्टोबर ४ सम्म चल्ने २०औं एसियन गेम्सले ‘इमाजिन वान एसिया’ भन्ने नारासहित सम्पूर्ण महादेशलाई एक सूत्रमा बाँध्ने प्रयास गरिरहेको छ।