८८ वर्षपछि नेपालमा कफीको उन्नत बीउ

काठमाडौँ । नेपाली कफी क्षेत्रलाई परम्परागत घेराबाट बाहिर निकाल्न पहिलो पटक कफीको बीउ भित्रिएको छ ।

झन्डै ९ दशकअघि वि.सं. १९९५ मा गुल्मीको आँपचौरबाट सुरु भएको कफी खेतीले यतिका वर्षसम्म एउटै मात्र जातको ‘अरेबिका’ कफीमा भर पर्नुपर्ने बाध्यता झेल्दै आएको थियो । तर भारत सरकारको प्राविधिक सहयोग र नेपाल सरकारको निरन्तर पहलपछि अब नेपाली कफी क्षेत्रमा नयाँ बीउ आएको हो ।