चोरीको अनुसन्धानका क्रममा लोडेड कटुवा पेस्तोल बरामद

रौतहटको गरुडा नगरपालिका -०७ भिमडावरमा तीन वटा घरमा चोरी भएको घटनाको अनुसन्धानको क्रममा एक थान लोडेड कटुवा पेस्तोल बरामद गरिएको छ।

बिहान ०९:३० बजे गरुडा नगरपालिका-०७ भिमडावर बस्ने दयाराम साहको एकतल्ले पक्की घरको पछाडिको ढोकामा लगाइएको आग्लो भाँचेर घरभित्र प्रवेश गरी रेडमी, ओपो र रियलमीका ३ थान मोबाइल चोरी भएको थियो। त्यस्तै, सोही स्थान बस्ने मनोज साहको एकतल्ले पक्की घरमा छतको ढोकाबाट प्रवेश गरी कोठाको आग्लो साइडबाट निकालेर दराजमा राखिएको पर्सबाट नगद करिब ५ हजार रुपैयाँ चोरी भएको थियो।