३२ मुलुकमा फैलिएको नेपाली साहित्यको इतिहास समेटियो

विश्वका विभिन्न मुलुकमा छरिएर रहेका नेपाली तथा नेपालीभाषी समुदायले सिर्जना गर्दै आएको साहित्यको इतिहास समेटेर प्रा.डा. खगेन्द्रप्रसाद लुइटेलको अनुसन्धानमूलक ग्रन्थ ‘आप्रवासी नेपाली साहित्यको इतिहास’ प्रकाशित भएको छ ।

पैरवी प्रकाशनले प्रकाशित गरेको पुस्तकलाई अनेसासका संस्थापक अध्यक्ष होमनाथ सुवेदीले आप्रवासी नेपाली साहित्यको ‘प्रथम आधिकारिक इतिहास’का रूपमा उल्लेख गर्नुभएको छ ।