बला*त्कार, अदालत सुरक्षा र सडक समस्याबारे सरकारको ध्यानाकर्षण

राष्ट्रियसभाको शून्य समयमा बोल्दै सांसदहरूले बलात्कार तथा हत्याका घटना, सर्वोच्च अदालतको सुरक्षा र सडक तथा पुलको दयनीय अवस्थाबारे सरकारको ध्यानाकर्षण गराएका छन्।

सांसद पूजा चौधरीले तीन वर्षीया बालिकाको बलात्कार तथा हत्या घटनामा संलग्न व्यक्तिलाई बाल सुधार गृहमा पठाउनु र अन्यलाई धरौटीमा छाड्नु न्यायोचित नभएको बताइन्। उनले आपराधिक मनोवृत्ति भएका व्यक्तिलाई समाजमा खुला रूपमा छाड्न नहुने भन्दै घटनाका दोषीलाई जन्मकैदको सजाय हुनुपर्ने माग गरिन्।