जनसङ्गठनलाई एमालेको निर्देशन: काठमाडौंमा चाहिएको बेला ५ हजारलाई उभ्याउन सक्नुपर्छ

नेपाल कम्युनिस्ट पार्टी (एमाले) का महासचिव शंकर पोखरेलले काठमाडौंमा आवश्यक पर्दा ५ हजार जनालाई उभ्याउन सक्ने आधार तत्काल तयार गर्न जनसंगठनका इन्चार्ज र अध्यक्षहरूलाई निर्देशन दिएका छन्।

पार्टी केन्द्रीय कार्यालय च्यासलमा बसेको जनसंगठन समन्वय संयन्त्रको बैठकलाई सम्बोधन गर्दै उनले पार्टी र जनताबीचको सम्बन्ध थप सुदृढ बनाउन तथा संगठनलाई समुदायस्तरसम्म विस्तार गर्नुपर्ने बताए।