ज्योति विकास बैंकद्वारा स्वरोजगार प्रवर्द्धनका लागि सिलाई मेसिन प्रदान

ज्योति विकास बैंकले आफ्नो संस्थागत सामाजिक उत्तरदायित्व अन्तर्गत सुर्खेतको वीरेन्द्रनगर नगरपालिका वडा नं. १० र १२ का सिलाई सम्बन्धी तालिम लिएका लक्षित वर्गका नागरिकहरूलाई स्वरोजगार प्रवर्द्धनका लागि सिलाई मेसिनहरू हस्तान्तरण गरेको छ। बैंकले आफ्नो संस्थागत सामाजिक उत्तरदायित्त्व अन्तर्गत स्थापना गरेको "हाम्रो विकास प्रवर्द्धन कोष" मार्फत उक्त सिलाई मेसिन प्रदान गरेको हो।

वीरेन्द्रनगर नगरपालिकाका स्थानीय निकायसँगको सहकार्यमा सम्पन्न उक्त पहलअन्तर्गत सिलाईसम्बन्धी ज्ञान, सीप तथा तालिम प्राप्त लक्षित तथा विपन्न वर्गका व्यक्तिहरूलाई सिलाई मेसिन प्रदान गरिएको हो। परम्परागत सीप र कलालाई व्यावसायिक रूपमा उपयोग गर्न सहयोग पुर्याउने उद्देश्यका साथ बैंकले उक्त सहयोग गरेको छ।