रुसी आक्रमणपछि भग्नावशेषबाट शव निकाल्दै उद्धारकर्मी, युक्रेनमा कम्तीमा १८ जनाको मृत्यु

किभ । रुसले मंगलबार राति युक्रेनका विभिन्न सहरहरूमा गरेको व्यापक मिसाइल र ड्रोन आक्रमणमा कम्तीमा १८ जनाको मृत्यु भएको छ ।

मृतकमध्ये दुई बालबालिका पनि रहेका छन् । पछिल्ला केही महिनायता यो रुसको सबैभन्दा ठुलो आक्रमणमध्ये एक मानिएको छ । अधिकारीहरूका अनुसार डिनिप्रोमा एक अपार्टमेन्ट भवनमा भएको आक्रमणपछि भग्नावशेषबाट एक आठ वर्षीय बालक र एक महिलाको शव निकालिएको छ । उक्त सहरमा मात्रै १२ जनाको मृत्यु भएको बताइएको छ । राजधानी किभमा थप ६ जनाले ज्यान गुमाएका छन् ।