बजेटको आकार र सांसदका योजनाबीच अल्झियो सुदूरपश्चिम सरकार

काठमाडाैं । असोजको पहिलो सातासम्म पनि सुदूरपश्चिम प्रदेश सरकार आगामी आर्थिक वर्षको बजेट निर्माणको टुंगोमा पुग्न सकेको छैन । बजेटको आकार निर्धारण गर्न नसक्नु र अघिल्लो बजेटमा समेटिएका सांसदका योजना कायम राख्नुपर्ने दबाबका कारण सरकार अलमलमा परेको हो ।

सरकारले बजेटको आकारबारे यकिन गर्न सकेको छैन । कति आकारको बजेट ल्याउने भन्ने नै यकिन भएको देखिँदैन, आकार यकिन भएपछि मन्त्रालयहरूलाई सिलिङ बाँडफाँट गर्ने पद्धति रहिआएको छ । यथार्थ आम्दानीमा आधारित बजेट ल्याउने या जोखिम मोल्दै यथार्थ आम्दानी रकमभन्दा बढाएर बजेट ल्याउने भन्ने अन्योलमा सरकार रहेको छ ।