ट्रम्प र नेतन्याहु सत्ताबाट नहटेसम्म होर्मुज स्ट्रेट नखोल्ने इरानको चेतावनी

२ असोज, काठमाडौं । इरानका सर्वोच्च नेता मोज्तबा खामेनेईका राजनीतिक सल्लाहकार मोहम्मद बाकिर जोल्कदरले अमेरिकी राष्ट्रपति डोनाल्ड ट्रम्प सत्तामा रहेसम्म होर्मुज स्ट्रेट खोल्ने इरानको कुनै उद्देश्य नरहेको बताएका छन्।

बिहीबार इरानी समाचार एजेन्सीहरूद्वारा प्रकाशित वक्तव्यमा जोल्कदरले इरानले आक्रामक दुश्मनको शक्ति तोड्ने र अहङ्कारी शक्तिहरूको कम्मर भाँच्ने निर्णय गरेको उल्लेख गरेका छन्। उनले डोनाल्ड ट्रम्प र इजरायली प्रधानमन्त्री बेन्जामिन नेतन्याहु सत्ताबाट हटेपछि मात्र होर्मुज स्ट्रेट खोलिने स्पष्ट पारेका छन्। जोल्कदरका अनुसार यो कदम इरानको तर्फबाट प्रतिशोधको पहिलो चरण हो।