चिकित्सकमाथि आक्रमण हुनुमा शिक्षा र अर्थ मन्त्रालय पनि दोषी छन् : निर्देशक डा. सिंह

जनकपुर– प्रादेशिक अस्पताल जनकपुरका निर्देशक डा. जामुन प्रसाद सिंहले चिकित्सक तथा स्वास्थ्यकर्मीमाथि हुने आक्रमणका घटनाको दीर्घकालीन समाधान खोज्न सरकारका स्वास्थ्यसँगै शिक्षा र अर्थ मन्त्रालय पनि गम्भीर हुनुपर्ने बताएका छन्।

बिहीबार प्रादेशिक अस्पताल जनकपुरमा प्रसूति गराउन आएकी महिलाका आफन्तले काउन्सिलिङ गरेका चिकित्सक डा. सरोज साहमाथि हातपात गर्नुका साथै उनको मोबाइलसमेत खोसेर लगेपछि अस्पतालमा चिकित्सकको सुरक्षाको विषय पुनः उठेको हो। घटनामा डा. साहको अनुहार, टाउको र हातमा चोट लागेको बताइएको छ।