फिल्ममा डेब्यु गर्दै खेम सेञ्चुरी, नारायण रायमाझीको 'बसन्ती'मा टेरियासँग जोडी

निर्माता तथा निर्देशक नारायण रायमाझीले फिल्म 'बसन्ती' निर्माणको घोषणा गरेका छन्।

शुक्रबार बिहान ललितपुरस्थित कार्यविनायक मन्दिरमा शुभमुहूर्त गर्दै चलचित्र निर्माणको औपचारिक घोषणा गरिएको हो। 'बसन्ती' नारायण रायमाझीको चौथो निर्देशकीय फिल्म हुनेछ। यसअघि उनले 'गोर्खापल्टन', 'परदेशी' र 'परदेशी २' निर्देशन गरेका थिए। यी सबै फिल्म बक्स अफिसमा सुपरहिट भएका थिए।