९ किलोमिटर सडक निर्माण चार वर्षमा पनि पूरा भएन

२ असोज, सुर्खेत । सुर्खेतको पश्चिम क्षेत्रमा पर्ने मदन भण्डारी राजमार्गअन्तर्गत बड्डीचौर–खम्बागाडे सडक निर्माणले अपेक्षित गति लिन सकेको छैन । ९ किलोमिटर सडक समयमै निर्माण सम्पन्न हुन नसक्दा पश्चिम सुर्खेतका नागरिकले वर्षौंदेखि सास्ती खेप्दै आएका छन् ।

ठेकेदार कम्पनीको ढिलासुस्ती, निर्माण सामग्रीको अभाव तथा सरकारी प्रक्रियामा भएको ढिलाइका कारण सडक निर्माण प्रभावित भएको हो । हालसम्म सडकको भौतिक प्रगति करिब ५० प्रतिशत मात्रै पुगेको पूर्वाधार विकास निर्देशनालय सुर्खेतले जनाएको छ ।