वैदेशिक रोजगारीमा पठाएका श्रमिक विवरण बुझाउन म्यानपावरलाई निर्देशन

२ असोज, काठमाडौं । वैदेशिक रोजगार विभागले वैदेशिक रोजगारीमा पठाएका नेपाली श्रमिकको अवस्थाबारे विवरण बुझाउन म्यानपावर कम्पनीहरूलाई निर्देशन दिएको छ ।

विभागले २१ असोजभित्र अनिवार्य विवरण उपलब्ध गराउन निर्देशन दिएको हो । विभागले गत असारमा इजाजतपत्र प्राप्त संस्थाले प्रत्येक ३/३ महिनामा आफूले वैदेशिक रोजगारीमा पठाएका नेपाली श्रमिकको अवस्था सम्बन्धी प्रगति विवरण विभागमा उपलब्ध गराउन निर्देशन दिएको थियो । सोही आधारमा विभागले ताकेता गरेको हो ।