डेंगु नियन्त्रण गर्न कामपाको सक्रियता, नेपालमै पहिलोपटक ब्याक्टोपावर प्रयोग गर्दै

काठमाडौं । काठमाडौं महानगरपालिकाले डेंगु नियन्त्रण गर्न पहिलोपटक वातावरणमैत्री, हानिकारक र विषादीमुक्त ब्याक्टोपावर (बीटीआई) प्रविधि प्रयोग गर्ने भएको छ । यो लामखुट्टे नियन्त्रण गर्ने ब्याक्टेरिया बायो लार्भिसाइड हो । कामपाले प्रयोग गर्न लागेको यो प्रविधिबाट डेंगु, मलेरिया, चिकन्गुनीया, फिलारिया तथा जिकालगायतका सबै प्रजातिका लामखुट्टेको लार्भा र प्युपा नष्ट हुनेछ ।

देशभर डेंगु संक्रमण बढ्न थालेपछि कामपाले बीटीआई लार्भिसाइड प्रयोग गर्न लागेको हो । कामपा जनस्वास्थ्य विभाग प्रमुख रामप्रसाद पौडेलले सबै वडामा यसको प्रयोग शुरू गर्ने बताउनुभयो । ‘मधेस प्रदेश सरकारले नेपाल भित्र्याउने तयारी गर्दागर्दै प्रक्रिया रद्द भएपछि कामपाले पहिलोपटक ब्याक्टोपावर प्रयोग गर्न लागेको हो’ –पौडेलले भन्नुभयो ।