चर्च ब्वाइज इतिहास कोर्न नजिक

काठमाडौं । चर्च ब्वाइज युनाइटेड जारी शहिद स्मारक ए डिभिजन लिगमा इतिहास कोर्न नजिक पुगेको छ । शनिबार उपाधि होडको महत्वपूर्ण खेलमा चर्च ब्वाइजले जावलाखेल युथ क्लबलाई ३–० ले हराएको हो । योसँगै चर्च ब्वाइजले डेब्युमै लिग जित्ने अग्रसर भएको छ । तर, यो हारले जावलाखेल उपाधि होडबाट बाहिरिनृु परेको छ ।

यो नतिजापछि चर्च ब्वाइजको २४ खेलबाट ४४ अंक भएको छ भने जावलाखेलको यति नै खेलबाट ३७ अंक रहेको छ । जावलाखेलले अब बाँकी दुबै खेल जितेर चर्च ब्वाइजले दुबै खेल हारेपनि उपाधि जित्ने संभव भएन ।