इजरायली हवाई हमलामा खान युनिस नजिक टेन्टमा बसेका ५ जनाको मृत्यु

काठमाडौँ। खान युनिस पश्चिम तर्फको अल-मवासी क्षेत्रमा इजरायली हवाई हमलामा परेर पाँच जनाको मृत्यु भएको छ । मारिएका मध्ये दुई बालक समेत रहेको अधिकारीहरूले जनाएका छन् ।

अधिकारीहरुका अनुसार घटना भएका टेन्टहरू विस्थापित नागरिक बसेको क्षेत्र हो। मृतकमध्ये ४६ र ३० वर्षका दुई महिला, ३६ वर्षीय एक पुरुष, र ८ तथा १० वर्षका दुई बालक रहेका छन्। घाइते ३२ जनाको अस्पतालमा उपचार गरिएको छ।