न्याय माग गर्दै मिटरब्याज पीडितले गरे जिल्ला अदालतमा प्रदर्शन

मिटरब्याज पीडितहरूले न्यायको माग गर्दै धनुषा जिल्ला अदालत अगाडि प्रदर्शन गरेका छन् । मिटरब्याज पीडित संघर्ष समितिको आह्वानमा विभिन्न जिल्लाबाट आएका पीडितहरूले न्यायको माग गर्दै जिल्ला अदालत धनुषा अगाडि प्रदर्शन गरेका हुन् ।

संघर्ष समितिका केन्द्रीय अध्यक्ष अवधेश कुशवाहाले आफूहरूले लामो समयदेखि न्यायको खोजीमा रहेपनि राज्यका निकायबाट समस्या समाधानका लागि प्रभावकारी पहल हुन नसकेकोले आफूहरू प्रदर्शनमा उत्रिएकाे बताए । उनीहरूले अदालत परिसर अगाडि शान्तिपूर्ण रूपमा धर्ना दिँदै मिटरब्याज पीडितका मुद्दामा निष्पक्ष सुनुवाइ र न्याय सुनिश्चित गर्न माग गरेका थिए ।