विश्वप्रसिद्ध कोरियोग्राफर टेरेन्स लुइस ‘वल्र्ड अफ डान्स नेपाल’को ग्रान्ड फिनालेका लागि काठमाडौंमा

काठमाडौं । अन्तर्राष्ट्रिय ख्याति प्राप्त नृत्य प्रतियोगिता ‘वल्र्ड अफ डान्स नेपाल’को आज राजधानीमा आयोजना हुन लागेको ग्रान्ड फिनालेमा सेलिब्रेटी ग्रान्ड जुरीको भूमिका निर्वाह गर्न बलिउडका चर्चित कोरियोग्राफर टेरेन्स लुइस काठमाडौं आइपुगेका छन् । उनलाई त्रिभुवन अन्तर्राष्ट्रिय विमानस्थलमा आयोजक टोलीले भव्य स्वागत गरेको छ ।

लुइससँगै ‘टेरेन्स लुइस डान्स एकेडेमी’की प्रमुख कोरियोग्राफर महरुख डुमासिया पनि नेपाल आएकी छन् । विमानस्थलमा स्वागत गर्नेमा ‘वल्र्ड अफ डान्स नेपाल’का कलात्मक निर्देशक जेडी तमु, राष्ट्रिय निर्देशक रोशन गहतराज लगायतको टोली सहभागी थियो ।