प्रहरीको देशव्यापी गस्ती: विभिन्न स्थानबाट लागुऔषधसहित २३ जना पक्राउ

काठमाडौँ । नियमित गस्तीमा रहेको प्रहरी टोलीले देशका विभिन्न स्थानबाट अवैध लागुऔषधसहित २३ जनालाई पक्राउ गरेको छ।

केन्द्रीय प्रहरी समाचार कक्षले दिएको जानकारी अनुसार प्रहरीले देशका सात वटा जिल्लाहरूबाट उनीहरूलाई नियन्त्रणमा लिएको हो। पक्राउ पर्नेहरूमा सबैभन्दा बढी काठमाडौँबाट ११ जना रहेका छन्। त्यस्तै झापाबाट छ जना र चितवनबाट दुई जना पक्राउ परेका छन् भने सिरहा, उदयपुर, दाङ र कैलालीबाट एक/एक जनालाई प्रहरीले हिरासतमा लिएको छ।