संघीयता प्रभावकारी बनाउन प्रदेश र स्थानीय तहलाई अधिकार दिनुपर्छ : रोशनी मेचे

नेकपा (एमाले) की राष्ट्रियसभा सदस्य तथा मुख्य सचेतक रोशनी मेचेले प्रदेश र स्थानीय तहलाई अधिकार तथा स्रोत उपलब्ध नगराउँदा संघीयताको प्रभावकारी कार्यान्वयन हुन नसकेको बताएकी छन्।

शुक्रबार राष्ट्रियसभाको बैठकमा प्रादेशिक समयअन्तर्गत बोल्दै मेचेले संविधानको धारा २३२ ले परिकल्पना गरेको संघ, प्रदेश र स्थानीय तहबीचको सहकारिता, सहअस्तित्व र समन्वय व्यवहारमा प्रभावकारी बन्न नसकेको बताइन्।