इरान युद्धले अमेरिकास्थित प्रवासी समुदायमा चर्कियो विभाजन

वाशिङ्टन- इरानमाथि अमेरिका र इजरायलको सैन्य कारबाही सुरु भएको सात महिनापछि अमेरिकामा रहेका इरानी मूलका समुदायमा युद्ध र इरानी शासन परिवर्तनको विषयलाई लिएर गहिरो विभाजन देखिएको छ ।

इरानी शासनको विरोधमा रहे पनि सैन्य हस्तक्षेपबाट शासन परिवर्तन सम्भव छ कि छैन भन्ने विषयमा समुदाय विभाजित भएको हो । युद्धको विरोध गर्ने केही इरानी–अमेरिकीले आफूलाई शासन समर्थकको आरोप लाग्ने गरेको बताएका छन् भने युद्ध समर्थकहरूले शासन परिवर्तनका लागि सैन्य कारबाही आवश्यक रहेको बताएका छन् ।