महिला अधिकारप्रति प्रतिबद्ध रहेको तालिबानको दाबी, के हो सरिया कानुन?

काबुल– तालिबानले सरिया कानुनअन्तर्गत महिला अधिकारप्रति आफूहरू प्रतिबद्ध रहेको जनाएको छ। राजधानी काबुलसहित अफगानिस्तान नियन्त्रणमा लिन सफल भएसँगै तालिबानले आयोजना गरेको पहिलो पत्रकार सम्मेलनमा प्रवक्ता जबिहुल्लाह मुजाहिदले कसैलाई पनि हानि नगर्ने अन्तर्राष्ट्रिय समुदायलाई विश्वास दिलाउन चाहेको बताए। उनले आफूहरू सरिया कानुनका आधारमा महिलाअधिकारप्रति प्रतिबद्ध रहेको पनि बताए।

उनले २० वर्षको संघर्षपछि देशलाई मुक्त गरेको र विदेशीलाई निकालेको बताएका छन्। उनले भनेका छन्, ‘यो पूरै देशका लागि गर्वको क्षण हो।’ अफगानिस्तान अब द्वन्द्वको रणभूमि नहुने पनि उनले दाबी गरे। उनले भने, ‘हामीविरुद्ध लडेका सबैलाई हामीले माफी दिएका छौं। हामी बाह्य वा आन्तरिक शत्रु चाहँदैनौं।’