घरजग्गा कारोबारबाट ४ अर्ब राजस्व संकलन, मोफसलमा पोखरा र इनरुवामा बढी

भदौ महिनामा देशभरको घरजग्गा किनबेच तथा लिखत पारितबाट सरकारले ३ अर्ब ९१ करोड २८ लाख रुपैयाँभन्दा बढी राजस्व संकलन गरेको छ। भूमि व्यवस्थापन तथा अभिलेख विभागअन्तर्गतका १५८ वटा भूमि प्रशासन कार्यालय तथा स्थानीय तहबाट संकलित विवरणअनुसार यस्तो राजस्व उठेको हो।

कुल राजस्वमध्ये १ अर्ब ९० करोड २१ लाख रुपैयाँ रजिष्ट्रेशन दस्तुर र १ अर्ब ७९ करोड ३५ लाख रुपैयाँ पूंजीगत लाभकरबाट संकलन भएको छ। सेवा करबाट १६ करोड ८२ लाख रुपैयाँ तथा अन्य शुल्कबाट समेत थप आम्दानी भएको छ।