लागुऔषध मुद्दाका आरोपीलाई छुटाइदिने भन्दै रकम लिने दुई बिचौलिया अदालत परिसरबाटै पक्राउ

लागुऔषध मुद्दाका प्रतिवादीलाई छुटाइदिने भन्दै रकम असुली गर्ने २ जना बिचौलिया ४ लाख ८० हजार रुपैयाँ नगदसहित पक्राउ परेका छन् । उनीहरूलाई प्रहरीले शुक्रबार काठमाडौं जिल्ला अदालत परिसरबाटै पक्राउ गरेको हो ।

काठमाडौं जिल्ला अदालतका सूचना अधिकारी शिव खतिवडाका अनुसार पक्राउ पर्नेहरूमा नुवाकोट सूर्यगढी गाउँपालिका ६ का अजय थापा मगर र नुवाकोट विदुर नगरपालिका ९ का हरिराम गिरी रहेका छन् ।