विदेशी मुद्रा सञ्चिति ३९ खर्ब नाघ्यो, १८.८ महिनाको आयात धान्न सक्ने

काठमाडौं – नेपालको बाह्य आर्थिक अवस्था थप बलियो बन्दै गएको छ । नेपाल राष्ट्र बैंकले सार्वजनिक गरेको चालु आर्थिक वर्ष २०८३/८४ को पहिलो महिनाको तथ्याङ्कअनुसार मुलुकको विदेशी मुद्रा सञ्चिति ३९ खर्ब ४६ अर्ब २३ करोड रुपैयाँ पुगेको छ ।

गत असार मसान्तको तुलनामा साउन मसान्तसम्म विदेशी मुद्रा सञ्चिति १.२ प्रतिशतले बढेको हो । अमेरिकी डलरमा यस्तो सञ्चिति २५ अर्ब ८४ करोड डलर पुगेको राष्ट्र बैंकले जनाएको छ ।