गैरकानुनी बसेकालाई मलेसियामा उपचारमा समस्या

काठमाडौं । रोजगारीका लागि विगत लामो समयदेखि मलेसियामा कार्यरत थिए बर्दियाका ४० वर्षीय शिवप्रकाश थारू । उनी गैरकानुनी रूपमा मलेसियाको पेनाङस्थित एक सेक्युरिटी गार्ड कम्पनीमा काम गर्दै आइरहेका थिए ।

उनी कार्यरत रहेकै बेला प्यारालाइसबाट ग्रस्त भई विगत तीन महिनादेखि ओछ्यान परेका छन् । रोगबाट ग्रस्त बनेपछि जनउद्धार केन्द्र मलेसियाको सम्पर्कमा पुगेका उनलाई उद्धार गरी नेपाल फर्काइएको केन्द्रका अध्यक्ष केशु थापाले जानकारी दिए ।