दुई करोडको स्रोत नखुलेपछि डाक्टर सापकोटाविरुद्ध भ्रष्टाचार मुद्दा

काठमाडौं : स्वास्थ्य सेवा विभागका तत्कालीन दशौं तहका वरिष्ठ स्वास्थ्य प्रशासक डा. अर्जुनप्रसाद सापकोटाविरुद्ध गैरकानुनी रूपमा सम्पत्ति आर्जन गरेको अभियोगमा अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ।

सार्वजनिक पदको दुरुपयोग गरी करिब दुई करोड चार लाख स्रोत नखुलेको सम्पत्ति आर्जन गरेको देखिएपछि डा. सापकोटा र उनकी श्रीमती निरजा पण्डितलाई प्रतिवादी बनाई मुद्दा दायर गरेको अख्तियारले जनाएको हो।