जंगलमा लुकाइएका ६ थान भरुवा बन्दुक बरामद

सुर्खेत । दैलेखको महाबु गाउँपालिका–५ स्थित सामुदायिक वन तथा जंगलबाट प्रहरीले ६ थान एकनाले भरुवा बन्दुक बरामद गरेको छ । जंगलमा लुकाइछिपाइ राखिएको तथा बेवारिसे अवस्थामा रहेका बन्दुक प्रहरीले बरामद गरेको हो ।

जिल्ला प्रहरी कार्यालय दैलेखबाट प्रहरी हबल्दार पटकबहादुर शाहीको कमान्डमा खटिएको प्रहरी टोलीले बिहीबार दिउँसो महाबु गाउँपालिका–५ स्थित गोर्ती सामुदायिक वनको जंगलमा तीन थान र त्यसको तीन किलोमिटर टाढा आरनटोलको जंगलमा थप तीन थान एकनाले भरुवा बन्दुक फेला पारेको हो ।