बैंकहरूको औसत आधार ब्याजदर १ प्रतिशत विन्दु घट्यो

२ असोज, काठमाडौं । चालु आर्थिक वर्ष साउनमा बैंक तथा वित्तीय संस्थाको औसत आधार ब्याजदर १ प्रतिशत विन्दुसम्मले घटेको छ । वित्तीय क्षेत्रमा अधिक तरलता र कर्जाको न्यून मागका कारण आधारदर घटेको हो ।

२०८३ साउन मसान्तमा वाणिज्य बैंकहरूको औसत आधार दर ४.७२ प्रतिशत, विकास बैंक ६.१४ र वित्त कम्पनीको ६.९५ प्रतिशत छ । गत वर्ष साउन मसान्तमा क्रमश: ५.७८, ७.२८ र ८.८७ प्रतिशत थियो ।