उदयपुर सिमेन्ट उद्योग बचाउन जुट्यो जेन-जी

अघिल्लो सरकारले निजीकरण गर्ने निर्णय गरेको पूर्ण सरकारी स्वामित्वको उदयपुर सिमेन्ट उद्योग लिमिटेड जलजलेलाई पुनर्जीवन दिन जेन-जी पुस्ताका युवाहरु अघि बढेका छन् ।

त्रियुगा नगरपालिका ६ का वडा सदस्य तथा जेन-जी युवा प्रवेश खड्काको अगुवाईमा सोमबार गएको स्थानीय युवाहरुको प्रतिनिधिमण्डलले उद्योगमन्त्री अनिलकुमार सिन्हालाई भेटेर उद्योग बचाउको माग गरेको हो । प्रतिनिधिमण्डलले बन्द उद्योग तत्काल सञ्चालन गर्न तथा अघिल्लो सरकारले गरेको निजीकरण गर्ने निर्णय खारेज गर्न आग्रह गरेको छ ।