नुवाकोटमा झिल्टुङ क्रसकन्ट्री दौड हुने

काठमाडौँ – बेलकोटगडी नगरपालिका–५ नुवाकोटको आयोजना तथा एथ्लेटिक्स परिवार नेपालको प्राविधिक सहयोगमा ‘नवौँ झिल्टुङ क्रसकन्ट्री दौड प्रतियोगिता’हुने भएको छ।

आगामी माघ ५ गते नुवाकोटस्थित कोल्पुटार, बेलकोटगढी नगरपालिकामा हुने प्रतियोगितामा विभिन्न सात विधामा प्रतिस्पर्धा हुने आयोजक संस्थाका संस्थापक एवम् पूर्वएथ्लेटिक्स खेलाडी मोहन नेपालले आज यहाँ आयोजित पत्रकार सम्मेलनमा जानकारी दिए।